Türkiyə

Ərdoğan Türkiyənin yeni hədəfini açıqladı

13 İyun 2026 17:02
Baxış: 535
VTB-də minimal faiz dərəcəsi ilə nağd kredit 9.9%-dən
#TÜRKİYƏ #RƏCƏB TAYYİB ƏRDOĞAN

"Türkiyəni süni intellekt texnologiyaları üzrə qabaqcıl dövlətlər sırasına çıxaracaq yeni fəaliyyət planının indidən uğurlu olmasını diləyirəm".

Milli.Az oxu.az-a istinadən xəbər verir ki, bu barədə Türkiyə Prezidenti Rəcəb Tayyib Ərdoğan bildirib. Dövlət başçısı qeyd edib ki, süni intellektin düzgün dərk edilməsi və təhlükəsiz şəkildə istifadə edilməsini təmin etmək üçün "Milli Süni İntellekt Savadlılığı" proqramına start veriləcək.

"81 vilayətimizdə həyata keçirəcəyimiz "süni intellekt savadlılığı" emalatxanaları vasitəsilə iki il ərzində 5 milyon insana təlimlər keçəcəyik. Məlumatları dəyərə çevirmə prosesinə sürət qatacağıq. Süni intellekti həyatın müxtəlif sferalarında real faydaya çevirəcəyik. 2030-cu ilə qədər ölkəmizin məlumat mərkəzli gücünü ən azı bir GB (Giqabayt) səviyyəsinə qaldıracağıq. 10 min yüksək səviyyəli süni intellekt mütəxəssisi və 100 min süni intellekt tətbiqi peşəkarı hazırlayacağıq. İstanbulu süni intellekt sektorunda beynəlxalq bir vitrin olaraq formalaşdırmağı planlaşdırırıq. Türkiyə əsrini rəqəmsal transformasiyanın da əsrinə çevirəcəyik", - deyə Ərdoğan qeyd edib.

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.