Türkiyə

Sərhəddə təhlükəli təxribat: Məftilləri parçalayıb Suriya tərəfinə keçdilər

20 Yanvar 2026 19:22

Baxış: 1 270

VTB-də minimal faiz dərəcəsi ilə nağd kredit 9.9%-dən

#TÜRKİYƏ #SURİYA

Türkiyədə DEM Partiyasının Nusaybində keçirdiyi qrup toplantısından sonra sərhəd xəttində gərginlik yaşanıb. Bir qrup şəxs sərhəddəki çəpərləri aşaraq Suriya istiqamətinə keçib, təhlükəsizlik qüvvələri müdaxilə edib.

Milli.Az xəbər verir ki, DEM Partiyası Suriyada davam edən qarşıdurmalara diqqət çəkmək məqsədilə bu həftəki TBMM (Türkiyə Böyük Millət Məclisi) qrup toplantısını Suriya sərhədində yerləşən Mardinin Nusaybin rayonunda keçirib.

Toplaşan izdihamın arasından bir qrup şəxs sərhəddəki məftilləri parçalayaraq Suriya tərəfinə keçib.

Yayılan görüntülərdə bəzi şəxslərin çəpərlərə dırmandığı, sərhəd-keçid məntəqəsindəki polad qapıları aşaraq qaçaraq Suriya istiqamətinə yönəldiyi əks olunub.

Sərhəd xəttində xidmət edən təhlükəsizlik qüvvələri qanunsuz yolla Suriyaya keçməyə çalışanlara müdaxilə edib. Lakin müdaxiləyə baxmayaraq, yüzlərlə insanın sərhəd istiqamətində irəliləməyə davam etməsi diqqət çəkib. Baş verən hadisələr bölgədə qısa müddətli ciddi gərginliyə səbəb olub.

Lalə Qüdrətova
Milli.Az