Türkiyə

Məşhur iş adamı öldürüldü

14 Yanvar 2026 00:40

Baxış: 3 040

VTB-də minimal faiz dərəcəsi ilə nağd kredit 9.9%-dən

#TÜRKİYƏ

Türkiyənin tanınmış iş adamı, "Silkar Madencilik" (SilkarStone) şirkətinin qurucusu Ərdoğan Akbulak safari turu üçün getdiyi Efiopiyada baş verən silahlı qarşıdurma nəticəsində həyatını itirib.

Milli.Az xəbər verir ki, 75 yaşlı Ərdoğan Akbulak turistik məqsədlə Efiopiyada olarkən, bölgədəki müxtəlif yerli qruplaşmalar arasında qəfil silahlı toqquşma başlayıb. İş adamı təsadüfən atəş xəttində qalaraq vəfat edib.

İddialara görə, hadisə zamanı Akbulakın yanında olan daha iki Türkiyə vətəndaşı təhlükədən sağ qurtula bilib və ölkənin Türkiyə səfirliyinə sığınıblar.

Efiopiya son illərdə daxili etnik gərginliklər və yerli silahlı qrupların toqquşmaları ilə gündəmdədir. Hadisənin məhz bu qeyri-sabitlik fonunda baş verdiyi bildirilir.

Ərdoğan Akbulak Türkiyənin təbii daş və mərmər sektorunun ən görkəmli simalarından biri idi.

1990-cı ildə "Silkar Madencilik" şirkətini quraraq Türk mərmərini "SilkarStone" brendi ilə dünya bazarına çıxarıb.

O, "Made in Türkiye" imzasını dünyanın bir çox nüfuzlu tikinti layihələrinə daşıyan şəxs kimi tanınırdı.

Lalə Qüdrətova
Milli.Az