Türkiyə

Bu bölgədə güclü zəlzələ olacaq - Ekspertdən ciddi XƏBƏRDARLIQ

28 Oktyabr 2025 10:57

Baxış: 1 382

VTB-də minimal faiz dərəcəsi ilə nağd kredit 9.9%-dən

#TÜRKİYƏ #ZƏLZƏLƏ

Türkiyəli professor Şener Üşümezsoy Sındırğıda baş verən 6,1 bal gücündə zəlzələdən sonra Simav xəttinin hələ də risk altında olduğunu vurğulayıb.

Milli.Az xəbər verir ki, "CNN Türk"ə danışan Üşümezsoy qeyd edib ki, Sındırğının 7-8 kilometr cənub-şərqindəki fay xətti boyunca hərəkət baş verib və bu, dağlıq ərazilərdə müşahidə olunub. Onun sözlərinə görə, "təxminən 15 kilometrlik bir qırılma baş verib, lakin bu, bölgədə daha böyük bir zəlzələnin olacağı anlamına gəlmir".

Türkiyədə 6,1 bal gücündə zəlzələ - 4 bina çökdü

Professor əlavə edib ki, 6,1 bal gücündəki əsas zəlzələdən sonra qeydə alınan 4,2 bal gücündəki sarsıntı sadəcə afterşokdur. "Ən çoxu 4,9 bal gücündə təkanlar baş verə bilər. Gecəni çöldə keçirməyə ehtiyac yoxdur, bu fay xətti artıq qırılmasını tamamlayıb," - deyə o bildirib.

Mütəxəssis qeyd edib ki, Sındırğı və ətrafındakı iki əsas fay artıq qırılıb, buna görə bölgədə uzun müddət böyük zəlzələ gözlənilmir:

"Amma geriyə yalnız Simav qaldı, oradakı fay hələ qırılmayıb. Bu xəttdə gərginlik artır, diqqətli olmaq lazımdır" .

Dağlıq bölgələrdəki kərpiç evlərin təhlükə yaratdığını da vurğulayan Üşümezsoy əlavə edib ki, fayların bir-birinə gərginlik ötürməsi Simav xəttini daha da həssas vəziyyətə gətirib.

Fidan
Milli.Az