Telefon danışığında başlayan mübahisə qanla bitdi! 25 yaşlı gənc qətlə yetirildi - FOTOlar

Antalyada H.T. (29) ilə Emir Batuhan Çelik (25) arasında telefonda başlayan mübahisə küçədə davaya çevrilib. H.T.-nin odlu silahla atəş açması nəticəsində başından vurulan Emir Batuhan Çelik həyatını itirdi, yanındakı Halil İ.A. (25) isə yaralanıb.

Milli.Az yerli mətbuata istinadən xəbər verir ki, hadisə Kepez rayonunun Varsak Karşıyaka məhəlləsində baş verib.

Emir Batuhan Çelik və dostu Halil İ.A., saat 00:30 radələrində Müftü Yusuf Talat Efendi Caddesi üzərindəki meşə girişində oturaraq birlikdə spirtli içki qəbul ediblər. Bu vaxt Emir Batuhan Çelik telefonda danışdığı H.T. ilə hələ məlum olmayan səbəbdən mübahisə edib. Bir müddət sonra H.T. motosikleti ilə hadisə yerinə gəlib. Emir Batuhan Çelik və H.T. arasında başlayan mübahisə qarşıdurmaya çevrilib. H.T. yanında gətirdiyi odlu silahla atəş açaraq motosikleti ilə hadisə yerindən qaçıb.

Güllələrin hədəfinə tuş gələn Emir Batuhan Çelik və Halil İ.A. yaralanıb. Hər iki yaralı təcili yardım maşını ilə xəstəxanaya çatdırılıb. Başına iki güllə dəymiş və əməliyyata alınmış Emir Batuhan Çelik səhərə yaxın həyatını itirib. Sinəsindən vurulan Halil İ.A.-nın vəziyyətinin yaxşı olduğu və müalicəsinin davam etdiyi bildirilir. Hadisə yerində aparılan araşdırmada 7 giliz və 3 patron tapılıb.

Cinayət Axtarış Şöbəsinin əməkdaşları araşdırma nəticəsində H.T.-nin Muğlaya qaçdığını müəyyənləşdirilib. Şübhəli, təqib nəticəsində səhərə yaxın Muğlanın Seydikemer rayonunda saxlanılıb. Onun üzərində qanunsuz yollarla əldə etdiyi odlu silah və 4 patron aşkarlanıb. H.T. ilkin ifadəsində kuryerlik etdiyini, Emir Batuhan Çelik və Halil İ.A.-nın hər gördüklərində onu hədələdiyini və buna görə bu hadisəni törətdiyini iddia edib.

Emir Batuhan Çelikin meyiti, məhkəmə-tibbi ekspertiza işlərindən sonra atası Ali Çelik və digər yaxınlarına təhvil verilib. Meyitin alınması zamanı Emir Batuhan Çelikin yaxınları və dostları göz yaşlarına hakim ola bilməyiblər.

Kənan
Milli.Az