Türkiyə

Ərdoğan Əhməd əş-Şaraa ilə görüşdü - yenilənib

24 May 2025 19:50

Baxış: 1 469

VTB-də minimal faiz dərəcəsi ilə nağd kredit 9.9%-dən

#TÜRKİYƏ #SURİYA #RƏCƏB TAYYİB ƏRDOĞAN

19:50

Rəcəb Tayyib Ərdoğanla Əhməd əl-Şaraa arasında görüş

Türkiyə Prezidenti Rəcəb Tayyib Ərdoğanla Suriya Prezidenti Əhməd əl-Şaraa arasındakı görüşdə iki ölkə arasında münasibətlər və qlobal proseslər barədə fikir mübadiləsi aparılıb.

Milli.Az xəbər verir ki, bu barədə Türkiyənin Prezident Administrasiyasının Kommunikasiya İdarəsi məlumat yayıb.

Türkiyənin Suriyaya dəstəyi

Qeyd olunub ki, Türkiyə lideri ölkəsinin bundan sonra da Suriyanın yanında olacağını söyləyib.

Prezident Rəcəb Tayyib Ərdoğan suriyalı həmkarının ölkəsinə səfərinin ABŞ və Avropa İttifaqının sanksiyaları ləğv etməsindən sonra baş tutmasından məmnunluğunu dilə gətirib.

Görüşdə, həmçinin, Suriyanın ərazi bütövlüyü məsələsinə də toxunulub və bu amilin qorunmasının, eləcə də ordunun vahid mərkəzdən idarə olunmasının zəruriliyinə diqqət çəkilib.

İkitərəfli münasibətlərin inkişafı

Türkiyə prezidenti Rəcəb Tayyib Ərdoğan ikitərəfli münasibətlərin müxtəlif sahələrdə inkişafının, habelə, münasibətlərdə qonşuluq və qardaşlıq siyasətinin davam edəcəyini bildirib.

Suriya lideri verilən dəstəyə görə türkiyəli həmkarına təşəkkür edib. /APA

-------------
16:54

Türkiyə Prezidenti Rəcəb Tayyib Ərdoğanla Suriyanın keçid dövrünün Prezidenti Əhməd əş-Şaraa arasında görüş baş tutub.

Milli.Az məlumat verir ki, görüş İstanbuldakı Dolmabahçe sarayında baş tutub. Görüşdə Türkiyənin xarici işlər naziri Hakan Fidan, milli müdafiə naziri Yaşar Güler, Milli Kəşfiyyat Təşkilatının (MİT) rəisi İbrahim Kalın, Suriyanın xarici işlər naziri Əsəd Həsən Əş-Şeybani və digər rəsmi şəxslər iştirak ediblər.

Görüş qapalı keçirilib. /oxu.az

Milli.Az