Türkiyə

Ərdoğan PKK-nın ləğvini belə şərh etdi

13 May 2025 10:01
Baxış: 1 214
VTB-də minimal faiz dərəcəsi ilə nağd kredit 9.9%-dən
#TÜRKİYƏ #ƏRDOĞAN #PKK

Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra verdiyi açıqlamada bir sıra vacib məsələlərə toxunub. O, PKK-nın buraxılması ilə bağlı verilən qərara dair ilk dəfə şərh verərək bu addımı "Terrorsuz Türkiyə" hədəfinə doğru atılan mühüm bir addım kimi qiymətləndirib.

Milli.Az xəbər verir ki, Ərdoğan çıxışında bunları qeyd edib:

"Bu gün daha bir kritik mərhələni keçdik. Mən bu qərarı mühüm dönüş nöqtəsi kimi qiymətləndirirəm. Yeni dövrün qapıları açılır, qardaşlığımıza saplanan qanlı xəncər çıxarılır. Ən böyük qazanan isə şəhidlərin ailələridir" .

Ərdoğan əlavə edib ki, hökumət və Xalq Alyansı olaraq Türkiyəni 40 ildir davam edən terror bəlasından qurtarmaq üçün əzmkar olduqlarını bir daha bəyan edirlər.

O, həmçinin Türk Əsri vizyonu, bölgədəki sülh təşəbbüsləri, iqtisadi sabitlik və beynəlxalq münasibətlərdəki mövqelərlə bağlı fikirlərini də bölüşüb. Prezident bildirib ki, Türkiyə bütün böhranları uğurla idarə edən ölkə olaraq həm regionda, həm də dünyada nüfuzunu daha da artırır.

"Türkiyənin kompası yalnız parlaq və firavan üfüqləri göstərir. İnşallah bu çətin dövrdən də başı dik, daha da güclü çıxacağıq," - deyə o vurğulayıb.

Ərdoğan həmçinin Rusiya, Ukrayna və ABŞ daxil olmaqla bir çox ölkələrlə davam edən diplomatik təmaslara da toxunub və Türkiyənin sülh və sabitliyin təmin olunmasında mərkəzi rol oynadığını bildirib.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.