Türkiyə

2042-ci ilə qədər sürücülük hüququ olmayan sürücü şəhərin mərkəzində qəza törətdi - VİDEO - FOTOlar

30 Aprel 2025 12:50

Baxış: 1 792

VTB-də minimal faiz dərəcəsi ilə nağd kredit 9.9%-dən

#VİDEO #TÜRKİYƏ #SÜRÜCÜ #YOL-NƏQLİYYAT HADİSƏSİ

Türkiyənin Kütahya şəhərində 6 dəfə sərxoş halda avtomobil idarə etdiyi üçün 2042-ci ilə qədər sürücülük hüququ əlindən alınan şəxs bu dəfə park halında olan avtobusa çırpılıb və xəsarət alıb. Hadisə ilə bağlı həm inzibati, həm də cinayət işi açılıb.

Milli.Az yerli mediaya istinadən xəbər verir ki, hadisə Kütahya şəhərinin Mərkəz rayonundakı Meydan məhəlləsində baş verib.

Belə ki, İ.A. idarə etdiyi avtomobilin sükanına nəzarəti itirərək dayanmış vəziyyətdə olan şəhər avtobusuna çırpılıb.

Hadisə yerinə polis və təcili yardım əməkdaşları cəlb olunub. İlkin tibbi müdaxilədən sonra İ.A. Kütahya Şəhər Xəstəxanasına aparılıb. Müalicədən sonra isə ifadəsi alınmaq üçün polis bölməsinə aparılıb.

2042-ci ilə qədər sürücülük hüququ yox idi

Yoxlama zamanı məlum olub ki, İ.A. bundan əvvəl 6 dəfə sərxoş halda sükan arxasında yaxalanıb və bu səbəbdən sürücülük vəsiqəsi 2042-ci ilə qədər alınıb. O, 2023-cü ildə də polisə "dur" əmrinə tabe olmadığına görə təqib edilərək saxlanılmış və polislərə müqavimət göstərdiyi üçün bir müddət həbsdə qalmışdı.

Son hadisəyə görə İ.A.-ya sürücülük hüququ olmadan avtomobil idarə etdiyi üçün 18 min TL (təqribən 794 azn) məbləğində inzibati cərimə tətbiq olunub. Bundan əlavə, onun barəsində cinayət işi də açılıb.

Kənan
Milli.Az