Türkiyə

40 milyonla qaçmağa çalışarkən tutuldu

20 Mart 2025 08:38
Baxış: 1 155
VTB-də minimal faiz dərəcəsi ilə nağd kredit 9.9%-dən
#DÜNYADA #TÜRKİYƏ

İstanbul bələdiyyəsinə qarşı aparılan araşdırmada haqqında saxlanılma qərarı verilən Əli Nuhoğlu üzərində 40 milyon TL ilə qaçmağa çalışarkən tutulub.

Bu barədə "TRT Haber" məlumat yayıb.

Bildirilib ki, CHP-dəki pul sayma görüntüləri ilə bağlı açılan iş çərçivəsində şahid ifadələri əsasında İstanbul bələdiyyəsinin sədri Əkrəm İmamoğlunun da daxil olduğu 100 nəfər haqqında saxlanılma qərarı verilib.

Nuhoğlu da həmin şəxslərdən biridir. O, haqqında həbs qərarı olmasına baxmayaraq, yanında 40 milyon TL ilə qaçarkən yaxalanıb.

Qeyd olunub ki, şübhəlilərə qarşı çoxsaylı ittihamlar irəli sürülüb. İstintaq nəticəsində İmamoğlunun cinayətkar şəbəkənin lideri olduğu üzə çıxıb.

O da bildirilib ki, haqqında saxlanılma qərarı verilən 19 şübhəli hələ də axtarılır. 

Xatırladaq ki, İstanbul Böyük Şəhər Bələdiyyəsinin sədri Əkrəm İmamoğlu  və 99 şübhəli barəsində "cinayətkar təşkilatın lideri olmaq", "cinayətkar təşkilata üzv olmaq", "qəsb", "rüşvət alma", "ağır fırıldaqçılıq", "qanunsuz olaraq şəxsi məlumatların əldə edilməsi" və "tenderi saxtalaşdırmaq" cinayətləri ilə bağlı istintaq başladılıb.(qafqazinfo)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.