Türkiyə

"Survivor" iştirakçısı Türkiyəyə qayıdan kimi həbs olunacaq

5 Mart 2025 09:46

Baxış: 2 332

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MARAQLI #TÜRKİYƏ #SOSİAL ŞƏBƏKƏLƏR #ŞOU

"Survivor" "All-Star" iştirakçısı Hikmet Tuğsuzun daha iki cinayətdə iştirak etdiyi müəyyən edildikdən sonra ona qarşı ittiham irəli sürülüb və Türkiyəyə qayıtdıqdan sonra həbs olunacağı bildirilib.

Milli.Az xəbər verir ki, Hikmet Tuğsuz əvvəllər 2016-cı ildə iki ayrı xəsarət yetirmə cinayətinə görə ümumilikdə 12 il 16 ay həbs cəzası alıb və cəzasının təsdiqlənməsindən sonra 2023-cü ildə həbsxanaya göndərilib. Daha sonra o, şərti azadlığa buraxılıb, lakin bu müddətdə yenidən cinayətlər törətdiyi aşkarlanıb.

Araşdırmalar nəticəsində onun ötən ilin aprel ayında Antalyada dələduzluq yolu ilə 45 milyon lirə dəyərində villanı ələ keçirdiyi və bu işdə birbaşa iştirak etdiyi məlum olub. Eyni zamanda, 20 iyul 2023-cü ildə Bayram D. adlı şəxsi dəyənəklə döydüyü və buna görə "silahla qəsdən xəsarət yetirmə" maddəsi ilə ona qarşı iddianamə hazırlandığı bildirilib.

Şərti azadlıqdaykən iki yeni cinayətə qarışdığı üçün Antalya Prokurorluğu 10 fevralda Hikmet Tuğsuz barəsində həbs qərarı çıxarıb. Hal-hazırda Survivor yarışması üçün Dominik Respublikasında olan Tuğsuzun Türkiyəyə qayıtdıqdan dərhal sonra həbs olunacağı gözlənilir.

İsmayıl
Milli.Az