Türkiyə

AKP-dən Öcalanın çağırışına REAKSİYA

27 Fevral 2025 20:46
Baxış: 1 653
VTB-də minimal faiz dərəcəsi ilə nağd kredit 9.9%-dən
#TÜRKİYƏ #PKK

Türkiyənin hakim Ədalət və İnkişaf Partiyasının (AK Parti) sədr müavini Efkan Ala PKK terror təşkilatının həbsdəki lideri Abdulla Öcalanın tərəfdarlarına çağırışına münasibət bildirib.

Milli.Az qafqazinfo-ya istinadən xəbər verir ki, bu haqda "TRT haber" məlumat yayıb.

"Çağırışın mahiyyəti silahı yerə qoymaq və terror təşkilatının özünü ləğv etməsidir. Biz nəticəyə baxırıq.

Terror təşkilatı bu çağırışı qəbul etsə, silahı yerə qoysa, Türkiyə buxovlarından qurtulmuş olar.

AK Partiya və prezidentimiz terroru Türkiyənin gündəmindən çıxarmaq üçün hər şeyi etdi. Nəticə vacibdir. Təşkilat çağırışa əməl edəcəkmi?

Terrorsuz Türkiyə olub-olmayacağını müzakirə edəcəyik. Kaş ki, mümkün olsun, amma Türkiyədə AK Partiya hökuməti qurulandan bəri terrorla çox effektiv mübarizə aparırıq. Terrorsuz Türkiyə mümkündür. Əgər çağırışa məhəl qoyulmasa, da Türkiyə artıq terrorla effektiv mübarizə aparır. Terrorla mübarizə ilə terrorsuz Türkiyə hədəfinə çata bilərik" , - E.Ala qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.