Türkiyə

ABŞ-nin 2 senatoru Türkiyəni hədələdi

18 Dekabr 2024 23:42

Baxış: 345

#TÜRKİYƏ #ABŞ

Suriyada Türkiyə tərəfindən dəstəklənən Suriya Milli Ordusunun (SMO) yeni bir əməliyyata hazırlaşdığı məlum olub.

Milli.Az xəbər verir ki, ABŞ Dövlət Departamenti Suriya Demokratik Qüvvələri (SDQ) ilə SMO arasında mövcud atəşkəsin həftə sonuna qədər uzadıldığını açıqlayıb.

ABŞ Dövlət Departamentinin sözçüsü Mettyu Miller, Vaşinqtonun atəşkəsin mümkün qədər uzun müddətə uzadılmasını arzu etdiyini bildirib.

ABŞ-dan Türkiyəyə xəbərdarlıq
ABŞ senatorları Kris Van Hollen və Lindsey Qraham, Suriya Demokratik Qüvvələri ilə (SDQ) atəşkəsin yenilənməməsi halında Türkiyəyə qarşı sanksiya layihəsi hazırlayacaqlarını elan ediblər.

Kris Van Hollen bu məsələ ilə bağlı Lindsey Qraham ilə birgə bəyanatını X platformasında paylaşıb.

"Türkiyə, əsasən Kobani şəhəri daxil olmaqla sərhəd boyunca silahsızlaşdırılmış zona təklifini və atəşkəsin uzadılmasını rədd edib. Türkiyənin bəzi legitim təhlükəsizlik narahatlıqları olsa da, bu inkişaflar regional təhlükəsizliyə zərər verir və ABŞ buna səssiz qala bilməz.

Dünən SDQ Generalı Mazlum Abdi ilə görüşərək Suriyalı kürd tərəfdaşlarımıza dəstəyimizi bir daha təsdiq etdik. ABŞ davamlı bir atəşkəs və silahsızlaşdırılmış zona üçün bütün vasitələrdən istifadə etməlidir.

Əgər Türkiyə bu şərtləri qəbul etməsə, 2019-cu ildə təqdim etdiyimiz sanksiya qanun layihəsinə bənzər iki tərəfli bir sanksiya qanununu bu həftə təqdim etməyi planlaşdırırıq."

Lalə Qüdrətova
Milli.Az