Türkiyə

Türkiyədə qurulan Azərbaycan şirkətlərinin sayı azaldı

31 Avqust 2024 10:34

Baxış: 812

#TÜRKİYƏ #ŞİRKƏT

2024-cü ilin yanvar-iyul ayında Türkiyədə Azərbaycan kapitalı ilə 124 şirkət qeydiyyata alınıb ki, bu da 2023-cü ilin eyni dövrü ilə müqayisədə 27 şirkət azdır.

Milli.Az bu barədə Trend TurkicWorld-ə istinadən məlumat verir.

"Hesabat dövründə Türkiyədə qeydiyyata alınan Azərbaycan şirkətlərinin məcmu kapitalı 72 milyon 714 min 500 türk lirəsi olduğu halda, 2023-cü ilin eyni dövründə bu rəqəm 152 milyon 703 min türk lirəsi təşkil edib", - deyə TOBB-dan bildirilib.

Qurumdan o da qeyd olunub ki, 2024-cü ilin yanvar-iyul ayında Azərbaycan şirkətlərinin əksəriyyəti İstanbulda (107) qeydiyyata alınıb.

"İstanbulda qeydiyyatdan keçən Azərbaycan şirkətlərinin ümumi kapitalı 65 milyon 969 min 500 türk lirəsi təşkil edib", - deyə TOBB-dan qeyd edilib.

Məlumata əsasən, 2024-cü ilin yanvar-iyul ayında Türkiyədə Azərbaycan kapitalı ilə 66 ticarət şirkəti qeydiyyata alınıb. Qalan şirkətlər iqtisadiyyatın digər sahələrini əhatə edir.

Milli.Az
Xəbərlərimizi WhatsApp kanalımızdan da oxuyun