Gürcüstanda etirazçılar gecəni yatmadılar - Yenilənib - VİDEO

07:58

Gürcüstanda etirazçılar gecəni parlament binasının qarşısında keçiriblər.

Milli.Az APA-ya istinadən bildirir ki, çadırlar quran etirazçılar Rustaveli prospektini avtomobillərin hərəkətinə bağlayıblar.

Etirazla əlaqədar parlament binasının girişlərinə çoxlu sayda polis yerləşdirilib, səhər saatlarında əraziyə su şırnağı maşınları gətirilib.

Qeyd edək ki, bu gün Gürcüstanın 11-ci çağırış parlamentinin ilk iclası keçiriləcək.

Prezident Salome Zurabişvili də daxil olmaqla ölkə müxalifəti seçkilərin nəticələrini və parlamentin legitimliyini tanımadıqlarını bəyan ediblər.

------------
2024.11.24

Tiflisin mərkəzində, Gürcüstanın siyasi həyatında mühüm bir etiraz aksiyası keçirilib.

Milli.Az musavat.com-a istinadən bildirir ki, qadınların təşkil etdiyi yürüşdə iştirakçılar, əllərində çamadanlarla hakimiyyətə qarşı narazılıqlarını ifadə etmək üçün küçələrə çıxıblar. Etirazçılar ölkənin hakim partiyası olan "Gürcü Arzusu"nun təsisçisi Bidzina İvanişvilinin rezidensiyasına doğru hərəkət ediblər.

Aksiya iştirakçıları bildiriblər ki, bu simvolik addım Gürcüstanda idarəçilik və siyasi mühitdəki problemlərə diqqət çəkmək məqsədi daşıyır. "Çamadanla yürüş", Gürcüstan hökumətinin qərarlarına etiraz edən və ölkədə dəyişiklik tələb edən insanların mədəni etiraz üsulu kimi qiymətləndirilir.

Etirazın təşkilatçıları, əsasən qadın hüquqları fəalları və vətəndaş cəmiyyəti nümayəndələri olub. Onlar ölkədə demokratik institutların zəiflədiyini, sosial problemlərin artdığını və hökumətin cəmiyyətin gözləntilərini doğrultmadığını vurğulayıblar.

Yürüşün son dayanacağı İvanişvilinin şəxsi rezidensiyası olub, burada etirazçılar hökumətdən siyasi kursu dəyişmək və demokratik islahatlara başlamaq tələblərini səsləndiriblər.

Bu aksiyanın Gürcüstanın siyasi həyatında hansı təsirlərə səbəb olacağı, gələcəkdə baş verə biləcək hadisələrin gedişatı ilə müəyyənləşəcək.

Milli.Az
Xəbərlərimizi WhatsApp kanalımızdan da oxuyun