Türkiyə

Almaniya vətəndaşları Türkiyədə 1400-ə yaxın daşınmaz əmlak satın alıb

27 Yanvar 2024 18:53

Baxış: 816

VTB-də minimal faiz dərəcəsi ilə nağd kredit 10.49%-dən

#TÜRKİYƏ

2023-ci ilin yanvar-dekabr aylarında Almaniya vətəndaşları Türkiyədə 1 363 daşınmaz əmlak satın alıblar ki, bu da 2022-ci ilin eyni dövrü ilə müqayisədə 1 342 obyekt azdır.

Milli.Az bildirir ki, bu barədə TurkicWorld-a Türkiyənin Torpaq Kadastrı və Daşınmaz Əmlak Alqı-Satqısı üzrə Dövlət orqanından məlumat verilib.

Məlumata görə, keçən ilin dekabr ayında Almaniya vətəndaşları Türkiyədə 67 daşınmaz əmlak alıblar ki, bu da 2022-ci ilin dekabr ayı ilə müqayisədə 145 obyekt azdır.

Qeyd edək ki, 2023-cü ilin dekabr ayında Türkiyədə 138 min 577 mənzil satın alınıb ki, bu da 2022-ci ilin dekabr ayı ilə müqayisədə 33,4 faiz azdır.

Məlumata görə, 2023-cü ilin yanvar-dekabr aylarında Türkiyədə 1 milyon 225 min 926 mənzil satın alınıb.

"Bu göstəricilər 2022-ci ilin eyni dövrü ilə müqayisədə 17,5 faiz azdır", - deyə nazirlikdən qeyd edilib.

2023-cü ilin dekabr ayında Türkiyədə xarici vətəndaşlara 2 min 64 mənzil satılıb ki, bu da 2022-ci ilin eyni dövrü ilə müqayisədə 67,7 faiz azdır.

Keçən il əcnəbi vətəndaşlar Türkiyədən 35 min mənzil alıblar ki, buda 2022-ci ilin eyni dövrü ilə müqayisədə 48,1 faiz azdır.

Milli.Az