İdman

Zabit Səmədovun Çeçenistanda döyüşü olacaq - FOTO

21 Sentyabr 2021 18:42

0 Şərh Baxış: 2 149

VTB-də minimal faiz dərəcəsi ilə nağd kredit 9.9%-dən

#KİKBOKSİNQ

Azərbaycanlı kikboksçu Zabit Səmədov növbəti döyüşünü keçirəcək.

Milli.Az oxu.az-a istinadən xəbər verir ki, 37 yaşlı idmançımız Çeçenistanın paytaxtı Qroznıda döyüşəcək.

Onun rəqibi Fransanı təmsil edən Nayf Didye olacaq. Bu görüş oktyabrın 4-də keçiriləcək.

Qeyd edək ki, Zabit Səmədov indiyədək kikboksinqdə 112 döyüş keçirib. O bunlardan 37-si nokaut olmaqla 102 döyüşdə qalib gəlib. 9 dəfə məğlub olan idmançımızın bir döyüşündə qalib müəyyənləşməyib.

Xatırladaq ki, Zabit Səmədov sonuncu döyüşünü iyunun 14-də yaşadığı Belarusda keçirib. O, ikinci raundda Almaniyanı təmsil edən rəqibi Deci Kalecaiyeni nokauta salıb. Ümumiyyətlə, idmançımız 19 döyüşdür ki, məğlub olmur. O sonuncu dəfə 8 il əvvəl - 2013-cü ilin martın 15-də Xorvatiyanın paytaxtı Zaqrebdə keçirilən döyüşdə məşhur Mərakeş idmançısı Badr Hariyə uduzub.

Milli.Az