İdman

Konfrans Liqasında “Qarabağ”ın növbəti rəqibi bəlli oldu

30 İyul 2021 07:10

0 Şərh Baxış: 1 870

"Qarabağ"ın Avropa Konfrans Liqasının 3-cü təsnifat mərhələsindəki rəqibi müəyyənləşib. Milli.Az matc.az-a istinadən bildirir ki, Ağdam təmsilçisi növbəti mərhələdə Kiprin AEL komandası ilə üz-üzə gələcək.

Limassol şəhərini təmsil edən bu komanda Avropa Konfrans Liqasının 2-ci təsnifat mərhələsində "Vlajniya"nı (Albaniya) üstələyib. Kipr klubu bu rəqibinə həm səfərdə, həm də öz meydanında eyni hesabla qalib gəlib - 1:0.

"Qarabağ"ın AEL ilə ilk oyunu avqustun 5-də Limassolda, cavab qarşılaşması isə avqustun 12-də Bakıda baş tutacaq.

Qeyd edək ki, Qurban Qurbanovun çalışdırdığı komanda Konfrans Liqasının 2-ci təsnifat mərhələsində "Aşdod"u mübarizədən kənarlaşdırıb - 0:0, 1:0.

Milli.Az