İdman

"Bakıda məşq etməyəcəyik" - "Olimpiakos"un baş məşqçisi

22 İyul 2021 08:53
0 Şərh     Baxış: 1 456
VTB-də minimal faiz dərəcəsi ilə nağd kredit 9.9%-dən
#FUTBOL

"Bizim üçün çox çətin matç idi. Oyunçu dəyişiklikləri bizə çətinlik yaşatdı".

Milli.Az qol.az-a istinadən xəbər verir ki, bu sözləri "Olimpiakos"un baş məşqçisi Pedro Martins Çempionlar Liqasının 2-ci təsnifat mərhələsinin "Neftçi" ilə ilk oyunundan sonra keçirilən mətbuat konfransında deyib.

Komandasının 1:0 hesablı qələbəsini şərh edən portuqaliyalı mütəxəssis Bakıdakı çətin oyuna da hazır olacaqlarını bildirib: "Məcburi əvəzləmələr etdik ki, bu da sistemdə bəzi dəyişikliklərə səbəb oldu. Ancaq üzərimizə düşən öhdəliyi yerinə yetirdik. Əminəm ki, Bakıda da əlimizdən gələni edəcəyik. İnanıram ki, oradakı çətin sınağa hazır olacağıq. Çətinliklərə baxmayaraq, iki oyunçu dəyişikliyi etdik. Ancaq meydana sonradan daxil olan futbolçular da mübarizəyə yaxşı qoşuldular. Biz bütün futbolçularımıza şans verməyə, onları sınamağa çalışırıq. Əlimizdə geniş heyət var. Oyunçuların hamısına güvənirəm".

Martins "Azərbaycanda stadionların ideal vəziyyətdə olmadığı bildirilir. Buna hazırsınız?" sualını isə belə cavablandırıb: "Biz orada məşq etməyəcəyik. Son məşqimizi burada edib gedəcəyik. Amma stadion nə durumda olur-olsun biz ora hazır vəziyyətdə gedəcəyik".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.