İdman

Monteneqro millisi Bakıya itkilərlə gələcək

14 Oktyabr 2020 12:51

Baxış: 1 241

VTB-də minimal faiz dərəcəsi ilə nağd kredit 9.9%-dən

#FUTBOL

Millətlər Liqasının növbəti turunda Azərbaycan millisi ilə qarşılaşacaq Monteneqro yığması itkilərlə üzləşib.

Milli.Az apasport.az-a istinadla bildirir ki, balkanlılar noyabrın 14-də Bakıda keçirilməli olan qarşılaşmada üç futbolçunun xidmətindən yararlana bilməyəcək.

Buna IV turun Lüksemburqla dünənki qarşılaşması səbəb olub. Evdə 1:2 hesabı ilə uduzan Monteneqronun iki futbolçusu qırmızı, bir oyunçusu sarı vərəqə üzündən cəzalı duruma düşüb.

İkinci sarı vərəqə üzündən qarşılaşmanı erkən tərk edən Marko Simiç millimizə qarşı oynamayacaq. Birbaşa qırmızı vərəqə alan Marko Yankoviçin cəzası daha uzun ola bilər. Onun təkcə yığmamız deyil, son turun Kiprlə matçını buraxması da mümkündür.

Momçilo Raspopoviç isə turnirdə ikinci sarı vərəqəni alıb. Bu səbəbdən də Azərbaycana qarşı oynamayacaq.

Qeyd edək ki, Azərbaycan millisi də gələn ay keçiriləcək görüşə itki ilə çıxacaq. Anton Krivotsyuk sarı vərəqə limitinə görə meydana çıxmayacaq.

Milli.Az