İdman

"Qarabağ" Çempionlar Liqası ilə vidalaşdı

16 Sentyabr 2020 23:47
Baxış: 3 713
VTB-də minimal faiz dərəcəsi ilə nağd kredit 9.9%-dən
#İDMAN #ÇEMPİONLAR LİQASI #QARABAĞ #FUTBOL

"Qarabağ" bu gün Çempionlar Liqasında növbəti oyuna çıxdı.

Milli.Az xəbər verir ki, Ağdam klubu 3-cü təsnifat mərhələsində Norveç "Molde"si ilə qarşılaşdı. Oyun Kiprin Larnaka şəhərindəki "AEK Arena"da keçirildi.

Oyunun 90 əsas və 30 əlavə dəqiqəsi 0:0 hesabı ilə bitdi. "Molde" 102-ci dəqiqədə penaltidən fərqlənə bilməyib. "Qarabağ"ın qapıçısı Şahruddin Məhəmmədəliyev penaltini dəf edib. Penalti seriyasında "Molde" 6:5 hesabı ilə qalib gəldi.

Bu cütün qalibi pley-off mərhələsində "Dinamo" (Zaqreb, Xorvatiya) klubuna 2:1 hesabı ilə qalib gələn "Ferentsvaroş"la (Macarıstan) qarşılaşacaq. Pley-off oyunları 22-23 və 29-30 sentyabrda olacaq. "Qarabağ" isə mübarizəni Avropa Liqasında davam etdirəcək.

Qeyd edək ki, püşkə əsasən, matç Bakıda keçirilməli idi. Lakin "Molde" klubu Bakıdan dönüşdə Norveçdə 10 günlük karantinə alınacağını bildirərək qarşılaşmanın neytral meydanda oynanılmasını xahiş etmişdi. UEFA bu müraciəti təmin edərək görüşün sentyabrın 16-da Kiprdə keçirilməsinə qərar vermişdi.

Əlavə edək ki, ÇL-in görüşlərinə koronavirus səbəbindən azarkeşlər buraxılmır.

16 sentyabr

"Qarabağ" (Azərbaycan) - "Molde" (Norveç) - 0-0 (5-6 - penalti)
Hakimlər: Srcan Yovanoviç, Uroş Stoykoviç, Milan Mixaylovi, Novak Simoviç (hamısı Serbiya)
"AEK Arena"

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.