İdman

Makqreqoru Fransa polisi saxladı

13 Sentyabr 2020 09:26
Baxış: 1 168
VTB-də minimal faiz dərəcəsi ilə nağd kredit 9.9%-dən
#İDMAN

İki çəki dərəcəsində qarışıq döyüş növü üzrə keçmiş UFC çempionu İrlandiyalı Konor Makqreqor qeyri-etik davranışlarına görə Fransaya aid Korsika adasında polis tərəfindən saxlanılıb.

Milli.Az APA-ya istinadən bildirir ki, idmançı nümayişkaranə cinsi davranışda günahlandırılır. 

32 yaşlı irlandiyalı Korsika adasında tətildə olarkən onun barəsində sentyabrın 10-da polisə şikayət daxil olub. İttihamların digər təfərrüatları açıqlanmayıb.

Qeyd edək ki, Makqreqor ilk dəfə 2019-cu ildə məsuliyyətə cəlb edilib. Həmin ilin noyabr ayında o, Dublində görmə problemindən əziyyət çəkən yaşlı kişini döyməkdə günahlandırılmışdı. Sonra İrlandiyalı həbsxanadan qaçsa da, məhkəmə onu cərimələmişdi.

Xatırladaq ki, Makqreqor bu ilin iyun ayında karyerasını başa vurduğunu elan edib. O, UFC-nin ən populyar döyüşçülərindən biridir. Qarışıq döyüş növlərində 26 döyüş keçirib. 22 qələbəsi, 4 məğlubiyyət olub. İlk dəfə UFC titulunu 2015-ci ildə qazanıb. Eyni vaxtda fərqli çəki dərəcələrində iki titul qazanan ilk döyüşçü olub. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.