İdman

"Bankda 300 milyonum var, kim ağzını açsa, öldürərəm" - Zlatandan təhdid

20 Aprel 2020 14:30
0 Şərh     Baxış: 1 465
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Los Anceles Qelaksi"nin futbolçusu Joao Pedro keçmiş komanda yoldaşı Zlatan İbrahimoviç haqda şok açıqlama verib.

Milli.Az qol.az-a istinadən xəbər verir ki, portuqaliyalı yarımmüdafiəçi "Record"a müsahibəsində bildirib ki, Zlatan komanda yoldaşlarını ölümlə təhdid edib:

"Hyuson "Dinamos"u ilə oyunda hesabda öndə olsaq da, daha sonra qollar buraxıb, geri düşdük. Oyunu 2:3 hesabı ilə uduzduq. Matçdan sonra isə Zlatan bizi gözəl şəkildə "başa saldı". O, bizə dedi: "Əgər bura çimərliyə getmək və ya Hollivudu gəzmək üçün gəlmisinzsə, deyin, bilim. Bankda 300 milyonum var və bir adaya sahibəm. Bunların heç birinə ehtiyacım yoxdur. Əgər kimsə ağzını açsa, onu öldürərəm. Həqiqətən bunu edərəm".

Pedro eyni zamanda Zlatanın məşqlərdə də diqqət mərkəzində olmaq istədiyini bildirib: "Məşq vaxtı 11-11-ə futbol oynayacaqdıq. Başlama vuruşunu kimin vuracağını soruşarkən,  məşqçimiz "Joao Pedro vursun, onun doğum günüdür" dedi. İbrahimoviç isə ona tərəf dönüb, "hər gün mənim doğum günümdür, topu mənə ver" deyib qəhqəhə ilə güldü".

Qeyd edək ki, hazırda "Milan"ın üzvü olan 38 yaşlı İbrahimoviç 2018-2019-cu illərdə ABŞ klubunda çıxış edib və 58 oyuna 53 qol vurub.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.