İdman

Messi gələcək futbol ulduzlarının reytinqini tərtib etdi

5 Aprel 2020 15:18
0 Şərh     Baxış: 2 057
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İspaniyanın "Barselona" klubunun kapitanı Lionel Messi gələcəkdə futbol ulduzları ola biləcək dünyanın 15 ən perspektivli oyunçusunun siyahısını tərtib edib. Argentinalı seçimini kiçik şərhlərlə əsaslandırıb.

Milli.Az oxu.az-a istinadən bildirir ki, Messi dünya futbolunun potensial ulduzları ilə bağlı fikirlərini "Give me sport" portalı ilə bölüşüb.

Trent Aleksandr-Arnold ("Liverpul") - bu, əla hücuma keçə bilən müdafiəçidir.

Kristian Pulişiç ("Çelsi") - onun əla balansı və çevikliyi var.

Meyson Maunt ("Çelsi") - gördüklərimdən çıxış etsək, o, ən yaxşılardan biri olmağı bacaracaq.

Fil Foden ("Mançester Siti") - böyük istedadı var. O, oyun zamanı inanılmaz şeylər edə bilir.

Ceydon Sanço ("Borussiya" Dortmund) - driblinqi zamanı müdafiəçiləri keçmək bacarığı heyrətləndirir.

Luka Yoviç ("Real") - məftunedici oyunçudur. O, mümkün olmayanı mümkün edir.

Kay Haverç ("Bayer") - onun rəqib qapısı önündə soyuqqanlılığı heyrətləndirir... və özü də yaşının az olmağına baxmayaraq.

Eder Militao ("Real") - fövqəladə istedad, sərt rəqib.

Usman Dembele ("Barselona") - onun məşqlər zamanı cəldliyi qorxudur.

Ussem Auar ("Lion") - topu idarə edərkən o, həmişə sakitdir. Müstəsna texnikaya malikdir.

Frenki De Yonq ("Barselona") - yaşıdlarının arasında ən istedadlı top ötürəndir.

Joau Feliş ("Atletiko") - hazırda dünyanın ən maraqlı gənc futbolçularından biridir.

Kilian Mbappe ("Pari Sen-Jermen") - çox təhlükəli oyunçudur, cəlddir və hücumlarını bitirməyi bacarır.

Yozua Kimmix ("Bavariya") - çox istedadlı müdafiəçidir, nəticələr verən çoxlu ötürmələr edir.

Benjamen Pavar ("Bavariya") - əla müdafiəçidir. O, qapıya çoxlu top vurmağı bacarır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.