İdman

Azərbaycanın sərbəst güləş üzrə komandası Avropa ikincisi oldu

17 Fevral 2020 08:12

0 Şərh Baxış: 1 214

#İDMAN #GÜLƏŞ

İtaliyanın paytaxtı Romada güləş üzrə Avropa çempionatına yekun vurulub.

Milli.Az Trend-ə istinadən bildirir ki, yığmamız qitə birinciliyində ümumilikdə beş medal (1 gümüş, 4 bürünc) qazanıb. Belə ki, idmançılarımızdan Ağahüseyn Mustafayev (70 kq) gümüş, Əli Rəhimzadə (65 kq), Cəbrayıl Həsənov (79 kq), Aslanbek Alborov (92 kq) və Camaləddin Məhəmmədov (125 kq) bürünc medal əldə edib.

Bu nəticə ilə sərbəst güləş üzrə Azərbaycan millisi 116 xal toplayıb və komanda hesabında Avropa ikincisi olub. Rusiya 186 xalla çempionluğu təmin edib. İlk üçlüyü 95 xal yığan Gürcüstan yığması tamamlayıb.

Xatırladaq ki, Avropa çempionatında yunan-Roma güləşi üzrə də Azərbaycan millisi 2 qızıl, 4 bürünc medalla ikinci yeri tutub. Qadınlardan ibarət yığma ilə 1 gümüş, 1 bürünc medalla 7-ci olub.

Milli.Az