İdman

UEFA-nın yeni turnirində Azərbaycanın 3 klubu çıxış edəcək

25 Sentyabr 2019 10:22
0 Şərh     Baxış: 1 335

UEFA 2021/22 mövsümündə təşkil edəcəyi yeni turnirin adını açıqlayıb.

Milli.Az sportal.az-a istinadən xəbər verir ki, qurum yeni klub turnirinə Konfrans Liqası adını verib.

Konfrans Liqası Çempionlar Liqası və Avropa Liqasından sonra reytinqinə görə, üçüncü Avropa Kuboku turniri olacaq.

Yarışın qrup mərhələsində 32 komanda 8 qrupa bölünəcək. Qrup liderləri 1/8 finala vəsiqə qazanacaq. İkinci yerin sahibləri isə 1/8 finala yüksəlmək üçün Avropa Liqasının qrupunda 3-cü pilləni tutan komanda ilə qarşılaşacaq.

Konfrans Liqasının qalibi növbəti mövsüm Avropa Liqasının qrup mərhələsində iştirak edəcək.

Turnin qarşılaşmaları cümə axşamları keçiriləcək.

Azərbaycanı Avropa Kuboklarında dörd klub təmsil edəcək. Ölkə çempionu Çempionlar Liqasına, digər üç klub isə Avropa Liqasında deyil, Konfrans Liqasında mübarizə aparacaq.

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.