Azərbaycanın sərbəst güləşçisi Hacı Əliyev Qazaxıstanın paytaxtı Nur-Sultandakı dünya çempionatında bürünc medal şanslarından da məhrum olub.
Milli.Az qol.az-a istinadən xəbər verir ki, 65 kq çəki dərəcəsində yer alan titullu idmançımızın təsnifat mərhələsində uduzduğu Hacımurad Rəşidov (Rusiya) finala çıxsa belə, o, təsəlliverici görüşlərə qatılmayacaq. Buna səbəb H.Əliyevin Rəşidova 2:4 hesabı ilə uduzduğu görüşdən sonra hakimlərlə qalmaqalına görə turnirdən diskvalifikasiya olunmasıdır.
Hacı Əliyev qarşıda 2020-ci ildə Tokioda keçiriləcək Olimpiadaya lisenziya verəcək 3 turnirdə iştirak edəcək. Hakimlərin ona göstərdiyi qırmızı vərəq isə yalnız hazırda davam edən dünya çempionatından diskvalifikasiya olunduğu anlamına gəlir.
Milli.Az