İdman

"Növbəti mərhələyə adlayan tərəf biz olacağıq" - Roberto Bordin

9 Avqust 2019 09:26
5 Şərh     Baxış: 2 015

"Neftçi"nin baş məşqçisi Roberto Bordin Avropa Liqasının III təsnifat mərhələsində  İsrailin "Bney Yehuda" klubu ilə 2:2 hesablı heç-heçə etdikləri ilk oyundan sonra mətbuatı konfransı keçirib.

Milli.Az qol.az-a istinadən xəbər verir ki, o, əvvəlcə matç haqda danışıb.

- İlk dəqiqələrdən rəqibin 8-9 oyunçu ilə müdafiə olunacağını gözləyirdik. Hətta bəzən 2 hücumçu da onlara qoşulurdu. Rəqib bütün komanda ilə müdafiə olunurdu. İlk hissədə geridən hücum qurmaqda çətinlik çəkdik. Bu baxımdan rəqibə əks-hücumlar təşkil etməyə şərait yaratdıq. Hətta hesab 0:2 olmamışdan əvvəl də rəqib qapısında təhlükəli vəziyyətlərimiz var idi. Hesabda geri düşməyimizə baxmayaraq, komanda toparlandı və sona qədər vuruşdu. Müdafiədə bəzi boşluqlarımız var. Bunu həftəboyu düzəltməyə çalışacağıq. Oyunçularımız xarakter göstərdilər. Cavab oyununda da bunu təkrarlamağa çalışacağıq.

- Sizi 2 qol buraxdığınız üçün tənqid edək, yoxsa 11 nəfərlə müdafiə olunan komandaya 2 qol vurduğunuz üçün tərifləyək?

- Sizdən asılıdır. İstəyirsiniz tənqid edin, istəyirsiniz tərifləyin. İlk hissədə arxadan oyun qurmağa çalışdıq. Ötürmələrdə səhv etdik, rəqib də bundan yararlandı. Ancaq komanda toparlandı və xarakter göstərərək, 2 qol vurdu.

- Bu gün Kanenin əvəzinə Platellas çıxış edirdi. Düşünmürsünüz ki, orta sahədə yaranan problem məhz bundan qaynaqlandı?

- Gəlin, oyunu düzgün qiymətləndirək. Həm "Arsenal"a, həm də bugünkü komandaya qarşı oyun tam fərqli oldu. "Arsenal" futbol oynayırdı, bugünkü rəqib isə fərqli idi. "Bney Yehuda"nın bütünlüklə müdafiəyə çəkiləcəyini bilirdik. Belədə Platellasa ehtiyac duydum. Çünki onun topla oynamağı üstündü, fantaziyası var. Hətta sonradan Dabonu da meydana buraxdım. Düşünmürəm ki, qollar buraxmağımıza səbəb bu dəyişiklik oldu.

- "Bney Yehuda"nın müdafiə futbolu oynayacağını dünən mətbuat konfransında da demişdiniz. Bəlkə bu amilin futbolçulara psixoloji təsiri oldu və nəticədə 2 qol buraxdınız?

- Rəqibə qarşı hazırlıq 1 gün çəkməyib. Həftəboyu komandanı buna uyğun hazırlamışıq. Bizə kənardan deyilənlər maraqlı deyil, öz işimizlə məşğul oluruq. Bütün oyunçuların diqqəti bu görüşə idi, yaxşı da hazırlaşmışdılar. Sadəcə, müdafiədən hücum qurarkən səhv etdik və rəqib də bundan yararlandı.

- Bu səhvləri cavab görüşündə aradan qaldırmaq mümkün olacaqmı?

- Komanda qol vurursa, burda tək hücumçunun payı olmur. Eləcə də müdafiə olunanda qol buraxırıqsa, bu, hamının səhvidir. Bunun üzərində işləyəcəyik. Rəqib bütünlüklə müdafiəyə çəkilmişdi. Səhvimiz oyunu ortadan qurmaq idi. Bu da bizə baha başa gəldi. Komandama inamımız böyükdü və inanırıq ki, növbəti mərhələyə adlayan tərəf biz olacağıq.

- Bu gün çox aqressiv idiniz. Etirazınız rəqibə idi, yoxsa hakimə?

- Düşünmürəm ki, aqressiv insanam. Rəqib ikinci hissədə futbol oynamadı, vaxt "öldürməklə" məşğul idilər. Hamı qələbəyə hazır idi, bunu istəyirdi. Burda rəqibi də qiymətləndirməmək istəmirəm. Ağıllı oynadılar, düzgün müdafiə olundular və istədikləri nəticəni əldə etdilər.

- Mamadu Mbodj meydana daxil olandan sonra sırf hücumçu kimi oynadı. Onun yenə qol vuracağına inanırdınız?

- Mbodj elə futbolçudur ki, uzun ötürmələr zamanı başla yaxşı çıxış edir. Sonlarda gördüm ki, rəqib bizim qapıya tərəf yaxınlaşmır. Artıq müdafiəçi saxlamağa lüzum görmədim. Buna görə də Mbodju meydana buraxdım ki, hər an qol vura bilər.

Milli.Az

loading...

Şərh yaz:

5 Şərh:

  • Anonim
    xxxx · 9 Avqust 09:4003

    oyuna baxmasam deyerdim ki kishi duz danisir.utanmir o oyundan sonra danisir hele

    Cavab yaz
    • Anonim
      anonimus · 9 Avqust 10:0320

      utanılası ne var ki, vaxt var idi klublarımız 1 qol vuranda az qala ölkədə milli bayram elan edirdik. neftçi ne real ne de ki barsa deyil ki çıxdığı 100 oyunnan 95 in udsun.

      Cavab yaz
  • Anonim
    Fanat · 9 Avqust 10:2210

    Yagsi olacaq insallah

    Cavab yaz
  • Anonim
    Aysel RM Yuve · 9 Avqust 13:3610

    Yaxwi olacaq Allah qoysa neftcinin xeyirne olacaq Fanat duz deyir Yaxwi olacaq InsaAllah

    Cavab yaz
    • Anonim
      Bərmək mahalı · 9 Avqust 14:1810

      Məncə "Neftçi"çox arxayın idi ki,bu oyunu asanlıqla aparacaq.Nəsə bizdə bu israil komandalarına qarşı kompleks var.Axırı yaxşı olar inşallah.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.