İdman

EYOF Bakı 2019: Milli Gimnastika Arenasının zalı çox yaxşıdır - Litva nümayəndə heyətinin nümayəndəsi

24 İyul 2019 08:16
Baxış: 205

Azərbaycanda keçirilən gimnastika yarışlarında iştirak etmək həmişə xoşdur.

Milli.Az bildirir ki, bunu Trend-ə Ritis Simonaviçyus - Bakıda XV Avropa Gənclər Olimpiya Festivalı çərçivəsində idman gimnastika yarışlarında iştirak edən Litva nümayəndə heyətinin nümayəndəsi deyib.

"Bu, Azərbaycanın paytaxtına ikinci səfərimdir, əvvəllər 2015-ci ildə Birinci Avropa Oyunlarında burada olmuşam. Bakıda yenidən olmaq, yarışlarda iştirak etmək, insanlarla ünsiyyət qurmaq və lazım olduqda onlardan dəstək və kömək almaq xoşdur", - o, deyib.

Simonaviçyusun sözlərinə görə, Bakıdakı Milli Gimnastika Arenasının zalı ona böyük təəssürat bağışlayıb.

"Çox gözəl zal, avadanlıq - bunlar təsirlidir. Görünür ki, Azərbaycanda idmanı sevirlər", - o, qeyd edib.

Gimnastika yarışında iştirak edənlərin səviyyəsindən danışan Simonaviçyus Rusiya və Ukrayna komandasını fərqlənmədiyini vurğulayıb.

"Gimnastika üzrə Azərbaycan millisi yaxşı görünür - döyüş ruhu hiss olunur. Arenanın zalı, azarkeş dəstəyi ən yaxşı başlanğıc kökləyir", - Litva nümayəndə heyətinin nümayəndəsi əlavə edib.

Qeyd edək ki, XV Avropa Gənclər Yay Olimpiya Festivalı çərçivəsində Milli Gimnastika Arenasında idman gimnastikası üzrə yarışlara start verilib.

İdman gimnastikası yarışlarının ilk günündə kişi gimnastlarımız mübarizə aparırlar. Onlar müxtəlif hərəkətlər və çoxnövçülükdə yarışırlar.

Yarışda Azərbaycanı 4 gimnast - Səməd Məmmədli, Ağakazım Rüstəmov, Mənsum Səfərov və Milana Minakovskaya təmsil edirlər.

Xatırladaq ki, iyulun 21-də Bakıda XV Avropa Gənclər Yay Olimpiya Festivalı start götürüb. İyulun 27-nə qədər davam edəcək mötəbər turnir 12 idman obyektində keçiriləcək.

Festivalda Avropanın 48 ölkəsindən 3900 atlet iştirak edəcək. İştirakçıların 52 faizi oğlan, 48 faizi isə qızdır. İdmançılar 135 dəst medal uğrunda güclərini sınayacaqlar. Mükafatçılar üçün ümumilikdə 930 medal hazırlanıb. Medalların 300-ü qızıl, 300-ü gümüş, 330-u isə bürüncdür.

Festivalda Azərbaycanı 122 idmançı təmsil edəcək.

XV Avropa Gənclər Yay Olimpiya Festivalında atletlər idmanın 10 növü - gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş üzrə yarışlarda qüvvələrini sınayacaqlar.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.