İdman

Bakıda Formula 1 üzrə ilk sərbəst yürüşlər başladı

26 Aprel 2019 13:31

0 Şərh Baxış: 1 778

VTB-də minimal faiz dərəcəsi ilə nağd kredit 9.9%-dən

#İDMAN #AVTOİDMAN #FORMULA 1

Bu gün Bakıda keçirilən Formula 1 SOCAR Azərbaycan Qran-Prisi çərçivəsində Formula 1 yarışları üzrə ilk sərbəst yürüşlərə start verilib.

Milli.Az xəbər verir ki, ilk sərbəst yürüş saat 13:00-da başlayıb.

Yürüşdə 10 komandada hər birini 2 pilot təmsil etməklə ümumilikdə 20 pilot yer alır. Bunlar "Mercedes" komandasından Luis Həmilton və Latteri Bottas, "Ferrari"dən Sebastyan Fettel və Şarl Lekler, "RBR"dən Maks Ferstappen və Pyer Qasli, "Renault"dan Daniel Rikardo və Niko Hülkenberq, "Haas"dan Roman Qrojan və Kevin Maqnussen, "McLaren"dən Karlos Sayns və Lando Noris, "Racing Point"dən Serxio Peres və Ləns Strol, "Alfa Romeo"dan Kimi Raykönen və Antonio Giovinazzi, "Toro Rosso"dan Daniil Kvyat və Aleksandr Albon, "Williams"dan Corc Rassel və Robert Kubitsadır.

Qeyd edək ki, 2019-cu ildə Formula 1 üzrə Dünya çempionatının ilk 3 Qran pri mərhələsindən sonra "Mercedes"dən Luis Həmilton 68 xalla birinci, onun komanda yoldaşı Valtteri Bottas 62 xalla ikinci, "RBR Honda"dan Maks Ferstappen 39 xalla üçüncü pillədə qararlaşıblar.

Xatırladaq ki, bu, Formula 1 üzrə Azərbaycanda keçirilən sayca 4-cü Qran pridir.

İlkin İzzət
Milli.Az