İdman

Rəşad Sadıqov rekord qırdı

8 Oktyabr 2011 14:41

0 Şərh Baxış: 434

#AZERBAİJAN

Futbol üzrə Azərbaycan və Avstriya yığmalarının AÇ-2012-nin seçmə mərhələsi çərçivəsində ötən gün keçirilən oyunu yığmamızın kapitanı Rəşad Sadıqov üçün tarixi olub. Azerisport.az xəbər verir ki, bu görüşdə meydana çıxmaqla Rəşad millinin rekordçusuna çevrilib.

Məsələ burasındadır ki, o, əsas komandamızın heyətində 75-ci oyununa çıxmaqla, 74 oyun keçirmiş Aslan Kərimovu arxada qoyub. Beləliklə, Sadıqov keçirilmiş oyunların sayına görə milli komandamızın rekordçusu olub.

Xatırladaq ki, bu siyahının onluğunda Mahir Şükürov (53) və Samir Abbasov (44) da var. Sadıqov müdafiəçi mövqeyinə baxmayaraq, yığmanın heyətində vurduğu dörd qolla 10 ən məhsuldar oyunçu siyahısında da yer alır.

Milli.Az