İdman

Azərbaycanın daha 3 idmançısı dopinqdən istifadəyə görə cəzalandırıldı

23 Yanvar 2019 10:20

0 Şərh Baxış: 1 696

VTB-də minimal faiz dərəcəsi ilə nağd kredit 9.9%-dən

#GÜLƏŞ #VELOSİPED #DOPİNQ

Azərbaycanın daha 3 idmançısı dopinqdən istifadəyə görə cəzalandırılıb.

Milli.Az report-a istinadən xəbər verir ki, bunlar güləşçilər Cəlal Süleymanovla Umar İsrailov və velosipedçi Qadir Mustafayevdir.

Bütün idmançılardan alınmış nümunələrdədə qadağan edilmiş maddə və ya onun Metabolit, yaxud Markerlərinin mövcudluğu təsbit edilib.

Süleymanov əlavə olaraq, diskvalifikasiya zamanı iştiraka qarşı qadağanın pozulmasına görə sanksiya ilə üzləşib. Onun orqanizmində oksandrolon metaboliti maddəsi tapılıb və 18 yanvar 2018-ci ildən 96 aylıq - 18 yanvar 2026-cı ilə qədər cəzalanıb.

İsrailovda drostanolon metaboliti maddəsi tapılıb və o, 48 aylıq diskvalifikasiya olunub. Onun cəzası 28 mart 2018-ci ildən hesablanmağa başlanıb.

Mustafayevin də cəzası 48 aydır. Orqanizmində metamfetamin (D-) maddəsi aşkarlanan velosipedçinin cəzası 19 noyabr 2018-ci ildən qüvvəyə minib.

Qeyd edək ki, AMADA bunadək dopinqdən istifadəyə görə 39 idmançıya sanksiya tətbiq edib.

Milli.Az