İdman

Pley-offun bütün cütləri müəyyənləşdi - Millimizin şansı var?

21 Noyabr 2018 14:32

10 Şərh Baxış: 2 883

VTB-də minimal faiz dərəcəsi ilə nağd kredit 9.9%-dən

#FUTBOL #UEFA MİLLƏTLƏR LİQASI

UEFA Millətlər Liqasında 2018-2019 mövsümünün əsas mərhələsi başa çatıb.

Milli.Az qol.az-a istinadən xəbər verir ki, ötən gün keçirilən oyunlardan sonra Avro-2020-ə vəsiqə verən pley-off mərhələsinin bütün iştirakçıları müəyyənləşib.

Öz liqasında qrup qalibi olan 16 komanda Avro-2020-nin seçmə mərhələsində uğursuzluqla üzləşsə, pley-off vasitəsilə qitə çempionatına qatılmaq şansı qazanacaq.

Bu komanalar arasında İsveçrə, İngiltərə, Portuqaliya və Hollandiya kimi güclü yığmalar olduğundan pley-offun tərkibində dəyişikliklər olacağı gözləniləndir. Çünki Avro-2020-yə seçmə mərhələ vasitəsi ilə vəsiqə qazanan komandanı Millətlər Liqasında çıxış etdiyi liqanın 2-ci ən yaxşı yığması əvəzləyəcək.

Bu baxımdan yığmamız da nəzəri olaraq pley-offda oynamaq şansını itirməyib. Ancaq bunun üçün D liqasında 7-ci olan millimizi qabaqlayan 6 komandadan (Gürcüstan, Kosovo, Makedoniya, Belarus, Lüksemburq, Ermənistan) üçü seçmə mərhələ yolu ilə Avro -2020-yə vəsiqə qazanmalıdır. Bu isə olduqca çətin görünür.

Pley-offa vəsiə qazanan komandalar

A liqası

İsveçrə - İngiltərə

Portuqaliya - Hollandiya

B liqası

Bosniya və Herseqovina - İsveç

Danimarka - Ukrayna

C liqası

Şotlandiya - Finlandiya

Norveç - Serbiya

D liqası

Gürcüstan - Belarus

Makedoniya - Kosovo

Milli.Az