İdman

"Hədəfim olimpiya çempionu olmaqdır" - Cavad Ağayev

10 Oktyabr 2018 16:52

0 Şərh Baxış: 1 710

#TAEKVONDO #OLİMPİADA #BÜRÜNC MEDAL

"Azərbaycan xalqına minnətdarlığımı bildirirəm. Yarış çox çətin keçdi. Rəqiblərim güclü idilər".

Milli.Az xəbər verir ki, bu fikirləri Argentinanın paytaxtı Buenos-Ayresdə keçirilən Yeniyetmələrin III Yay Olimpiya Oyunlarında bürünc medal qazanan taekvondoçu Cavad Ağayev deyib. Finalın bir addımlığında mübarizəni dayandıran idmançı öz səhvinə görə məğlub olduğunu bildirib:

"İlk döyüşüm Sudan idmançısına qarşı idi. Lakin rəqibim döyüşdən imtina etdi. Növbəti döyüşüm iranlı idmançıya qarşı oldu. Çox gərgin döyüş oldu və 9-8 hesabı ilə qalib gəldim. Yarımfinalda rəqibim koreyalı idmançı idi. 2-ci və 2-ci raundda onu məğlub edirdim. 3-cü raundun son saniyələrində buraxdığım səhvə görə 13-15 hesabı ilə məğlub oldum.

Cavad Ağayev hədəfinin 2020-ci ildə Tokioda keçiriləcək Olimpiya Oyunlarında qalib olmaq olduğunu açıqlayıb:

"İnşallah 2020-ci ildə Tokioda keçiriləcək Olimpiya Oyunlarında 3-cü yox, çempion olmaqla Azərbaycanın bayrağını dalğalandıracağam. Hədəfim olimpiya çempionu olmaqdır".

Elçin Əlixan
Milli.Az