İdman

Rikardo: "Bakıda hava soyuq olsa da, mənə münasibət çox istidir" - FOTO

30 Noyabr 2017 14:47

0 Şərh Baxış: 2 826

VTB-də minimal faiz dərəcəsi ilə nağd kredit 9.9%-dən

#İDMAN #FORMULA-1

Bakıya gəldiyim dəqiqədən çox maraqlı anlar yaşayıram. Yarış gününə nisbətən hava soyuq olsa da, mənə olan münasibət çox istidir.

Milli.Az xəbər verir ki, bunu 2017 Formula 1 Azərbaycan Qran Prisinin qalibi, Red Bull komandasının avstraliyalı pilotu Daniel Rikardo Bakıya səfərinin yekunları ilə bağlı keçirilən mətbuat konfransında bildirib.

O, Bakı ilə yaxından tanış olduğunu milli mətbəxi daddığını, mahnı oxuduğunu və çox xoş saatlar yaşadığını deyib. D.Rikkardonun sözlərinə görə, Bakı trası Formula 1 yarışlarında ən ecazkar, həyəcan yaradan yollardan biridir. Lakin o, nəticələr baxımından özü üçün Avstriyadakı mərhələni daha uğurlu hesab edir: "Şəxsi baxımdan yanaşsaq, Bakıdakı həftəsonu mənim üçün ən yaxşısı deyildi, nəticələr baxımından Avstraliya Qran Prisi daha uğurlu oldu".

Öz göstəricilərini, xüsusən təsnifat yarışlarında daha da yaxşılaşdırmağın gərəkdiyini deyən pilotun fikrincə, gələn il Red Bull komandası üçün daha uğurlu ola bilər.

İlkin İzzət
Milli.Az