Məşhur italiyalı sabiq referi Pyerluici Kollina Ukrayna Futbol Federasiyasının (FFU) Hakimlər komitəsinin kuratoru postunu tərk edib.
Milli.Az goal.az-a istinadən xəbər verir ki, "Futbol 24" telekanalının yaydığı məlumatda bildirilir ki, FFU qarşılıqlı razılıq əsasında 57 yaşlı mütəxəssislə vidalaşıb.
Qeyd edək ki, Pyerluici Kollina 2010-cu ildən bu vəzifədə çalışırdı. O, həmçinin FİFA Hakimlər komitəsinin rəhbəridir. 2002-ci il dünya çempionatının və 1999-cu ildə Çempionlar Liqasının finalını idarə edən italiyalı 6 dəfə dünyanın ən yaxşı futbol hakimi seçilib.
Milli.Az
Digər maraqlı xəbərlər Milli.Az-ın Facebook səhifəsində