İdman

"Liverpul" namaz qılanları müdafiə etdi - FOTO

16 Aprel 2015 10:41

2 Şərh Baxış: 4 315

VTB-də minimal faiz dərəcəsi ilə nağd kredit 9.9%-dən

#DÜNYADA #FOTOREPORTAJLAR #FOTOSESSİYA #MARAQLI #TWİTTER, INC.

İngiltərənin "Liverpul" klubunun arenası "Enfild Roud"da matç əsnasında namaz qılan iki müsəlmanın fotosunu çəkərək Twitter-də yayan və müsəlmanları təhdid edən şəxslə bağlı polis araşdırmalara başlayıb.

Milli.Az Daily Mail-ə istinadən bildirir ki, Stefen Dodd adlı azarkeş "Liverpul"un öz arenasında "Bləkbörn Roverns"ə qarşı matçında birinci hissədən sonrakı fasilədə tribunaların arxasına çıxanda pilləkəndə yerə canamaz sərərək namaz qılan iki müsəlmanı görüb. Onlar vəkillər Asif Bodi və Əbubakar Bula idilər.

Dodd bu müsəlmanların fotosunu çəkərək onları təhdid edən tvit yazıb.

Foto yayılandan sonra qalmaqal qopub. "Liverpul" azarkeşləri Stefen Doddun cəzalandırılmasını tələb ediblər.

Klub rəhbərliyi araşdırma aparıb və Stefen Doddun "Enfild"ə girişini ümumiyyətlə yasaqlayıb. İslamofob fanat klubun stadionundakı matçlara tamaşa etmək üçün aldığı 1 illik abonementdən də məhrum edilib.

İngiltərə Kubokunun matçında çəkilmiş bu fotonu "Liverpul" klubu və azarkeşlər biabırçılıq sayıblar.

Klub rəhbərliyi onu da vurğulayıb ki, komandanın müsəlman azarkeşləri üçün arenada namaz qılmaq üçün xüsusi yer ayrılacaq.

Milli.Az

Böyütmək üçün şəkillərə klikləyin.