İdman

Böyük Britaniyanın universitetində Avropa Oyunlarının təqdimatı olub - FOTO

25 Aprel 2015 09:21

0 Şərh Baxış: 1 945

VTB-də minimal faiz dərəcəsi ilə nağd kredit 9.9%-dən

#BAKU-2015 #İDMAN #UNİTED KİNGDOM

Böyük Britaniyanın Essex Universitetində azərbaycanlı tələbələrinin təşəbbüsü, birinci Avropa Oyunlarının Təşkilat Komitəsinin və Azərbaycanın bu ölkədəki səfirliyinin dəstəyi ilə "Baku-2015" ilk Avropa Oyunlarının tanıtımı keçirilib.

Trend-in məlumatına görə, universitetin şəhərciyində təşkil edilən stenddə "Baku-2015" ilk Avropa Oyunları ilə əlaqədar ingilis dilində nəşr edilən reklam-çap məhsulları, broşuralar, jurnallar və.s nümayiş etdirilib.

Tədris mərkəzində fəaliyyət göstərən Azərbaycan Cəmiyyətinin üzvləri müxtəlif ölkələrdən olan tələbələrə İlk Avropa Oyunları və ölkəmizdə keçiriləcək digər mötəbər idman tədbirləri haqqında ətraflı məlumat veriblər.

Tanıtım kampaniyası tələbə və müəllim heyəti tərəfindən maraqla qarşılanıb.

Milli.Az

Böyütmək üçün şəkillərə klikləyin.