İdman

"V1 Challenge Azerbaijan" yarışını izləmək istəyənlərin nəzərinə

29 Sentyabr 2014 09:40
Baxış: 1 371
VTB-də minimal faiz dərəcəsi ilə nağd kredit 9.9%-dən
#AZERBAİJAN #İDMAN #ZIF KRİSTAL INVEST FOND A.D. #V1 CHALLENGE AZERBAİJAN
Bakıda keçiriləcək "V1 Challenge Azerbaijan" yarışını izləmək istəyənlər Heydər Əliyev Mərkəzinin kassasına müraciət edə bilərlər. Bu barədə Trend-ə Azərbaycan Avtomobil Federasiyasından bildirilib.

Federasiyadan deyilib ki, oktyabrın 11-də Bakı Kristal Zalında Azərbaycan Avtomobil Federasiyasının təşkilatçılığı ilə keçiriləcək "V1 Challenge Azerbaijan" yarışına giriş dəvətnamə ilə olacaq.

Dəvətnamələr şəxsiyyət vəsiqəsi təqdim edilməklə verilir. Yarışda tamaşaçı kimi iştirak etmək istəyənlər Heydər Əliyev Mərkəzinin kassasına müraciət edə bilərlər.

Qeyd edək ki, yarışda Azərbaycan və digər ölkələrdən 10-dan artıq pilot iştirak edəcək.

Tamaşaçılar şouda peşəkar pilotların birincilik uğrunda mübarizəsi ilə yanaşı, maraqlı tryuklarla dolu anların da şahidi olacaqlar.

Şoudan əvvəl isə Azərbaycanın tanınmış siyasət və mədəniyyət xadimlərinin də iştirakı ilə Bakı şəhərində yarış avtomobillərinin yürüşü keçiriləcək.

Xatırladaq ki, "V1 Challenge Azerbaijan" yarışının təqdimatına hazırlıq məqsədilə avqust ayının sonlarında təlimlər təşkil edilib. Təlimlərdə yarışa qatılacaq pilot və hakimlərə nəzəri-praktik məşqlər keçirilib.

Məşhur "Voca People" qrupu da "V1 Challenge Azerbaijan" yarışının təqdimat şousunda səhnəyə çıxacaq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.