İdman

Azərbaycan güləşçiləri Bolqarıstanda yarışacaqlar

18 Mart 2014 19:44
0 Şərh     Baxış: 1 136
VTB-də minimal faiz dərəcəsi ilə nağd kredit 9.9%-dən
#AZERBAİJAN #ITALY #EUROPE #BULGARİA
21-23 mart 2014-cü il tarixdə Bolqarıstanın Plovdiv şəhərində güləş üzrə Petko Sirakov və İvan İliyevin xatirəsinə 17-ci beynəlxalq turnir keçiriləcək. Turnirdə sərbəst, yunan-Roma və qadın güləşi üzrə gənclərdən ibarət yığma komandalarımız da iştirak edəcək.

Azərbaycan Güləş Federasiyasından Trend-ə verilən məlumata görə, yunan-Roma güləşi üzrə yarışlarda yığma komandanın böyük məşqçisi Şaban Donat və məşqçi Zöhrab Abbasovun rəhbərliyi altında ölkəmizi Murad Məmmədov (55 kq), Kərim Cəfərov (60 kq), Orxan Məmmədli (66 kq), Hacımurad Bağmanov (74 kq), İslam Abbasov (84 kq), Türmən Eyyubov, Orxan Nuriyev (hər ikisi 96 kq) və Hacımurad Çöpsiyev (120 kq) təmsil edəcəklər.

Gənc qızların mübarizəsində Türkan Nəsirov (44 kq), Şəfəq Muradzadə (48 kq), Solmaz Həşimzadə (55 kq), Elmira Qəmbərova (63 kq) və Raqnetta Qurbanzadə (67 kq) qüvvələrini sınayacaqlar. Komandaya böyük məşqçi Aslan Ağayev və məşqçi Həsrət Məmmədyarov rəhbərlik edəcəklər.

Böyük məşqçi Arif Abdullayev və məşqçi Nazim Əlicanovun rəhbərliyi altında Bolqarıstana 10 sərbəst güləşçi yollanacaq. Heyətdə Arif Hüseynov, Mircəlal Həsənzadə, Ruslan Surxayev, Vurğun Əliyev, Abdulmuslim Muxuddinov, Kənan Əliyev, Nurməhəmməd Hacıyev, Çermen Baqayev, Səid Həmidov və Cahid Həsənzadə yer alıblar.

Görüşlərin idarə edilməsində beynəlxalq dərəcəli hakimlər Vaqif Cəlilov və Zakir Məmmədov ölkəmizi təmsil edəcəklər.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.