İdman

"Şəfa" stadionunun adı dəyişdirilir?

4 Mart 2014 15:47

1 Şərh Baxış: 2 247

VTB-də minimal faiz dərəcəsi ilə nağd kredit 10.49%-dən

#İDMAN #AZƏRBAYCAN FUTBOLU

""Şəfa" stadionunun adını dəyişdirmək istəyirik. Sponsorlar istəyirlər ki, istifadə etdiyimiz arena klubun adına uyğun olsun". Bunu apasport.az saytına "İnter"in vitse-prezidenti Müzəffər Novruzəliyev deyib.

AFFA-nın maliyyəsi hesabına inşa olunan "Şəfa" stadionunun adı dəyişdirilir. Vaxtı ilə "İnter" bu stadiondan icarə əsasında yararlanırdısa, indi "bankirlər" Keşlə qəsəbəsində yerləşən arenanın tam mülkiyyətçisidir. Ona görə də "İnter" tərəfi vaxtı ilə çempionatımızda mübarizə aparmış "Şəfa" klubunun adını daşıyan arenanın adını dəyişdirməkdə maraqlıdır.

Novruzəliyev bunun üçün AFFA-ya müraciət etdiklərini bildirdi: "Biz stadionun adının "İnter Arena" olmasını istəyirik. Hazırda "Şəfa" adlanan klub yoxdur. Stadionu özəlləşdirmişik. Tam hüquqlu bir tərəf kimi istəyirik ki, arenanın adında kluba dair nəsə olsun. Dünən bu məsələ ilə bağlı AFFA-ya müraciət etmişik. AFFA-dan təsdiq cavabı alan kimi stadion rəsmən "İnter Arena" adlandırılmağa başlanacaq".

"İnter"in vitse-prezidentinin ad dəyişdirilməsinə dair AFFA-ya müraciət etməsi bizə qaranlıq qaldı. Çünki "İnter"in bu stadionu özəlləşdirdiyini bilirik. Belədə, klub niyə AFFA-dan razılıq almalıdır? Novruzəliyev buna belə aydınlıq gətirdi: "Biz arenada olan 4 meydançanı özəlləşdirsək də, bəzi məsələlər qalıb. Belə deyək, özəlləşdirmənin son mərhələsindəyik. Ona görə də AFFA-nın razılığı alınmalıdır. Böyük ehtimalla, qurum tərəfindən ad dəyişdirilməklə bağlı problem yaradılmayacaq".

Milli.Az

Milli.Az - Xəbər Portalı

"Şəfa" stadionunun adı dəyişdirilir?

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?