İdman

Komandamız Ermənistan klubu ilə üz-üzə gələcək

16 Oktyabr 2010 12:33

Baxış: 484

VTB-də yüksək depozit faizleri daha çox qazandırır

#AZERBAİJAN #BULGARİA

Bolqarıstanın Plovdiv şəhərində keçiriləcək klublararası Avropa çempionatında mübarizə aparacaq "SOCAR" Azərbaycan komandasının tərkibində yerli şahmatçılarla yanaşı, legioner qrossmeysterlər də yer alıb.

Milli.Az ANS TV-yə istinadən xəbər verir ki, Azərbaycan şahmat tarixində ilk peşəkar klub olan "SOCAR"ın 1-ci nömrəsi yığma komandanın da şərəfini qoruyan Şəhriyar Məmmədyarovdur. Şəhriyarla yanaşı heyətdə həmyerlilərimizdən Teymur Rəcəbov, Rauf Məmmədov və Eltac Səfərlinin adı var. Legioner şahmatçılar isə rus Aleksandr Qrişşuk, ispan Aleksey Şirov, fransalı Maksim Vaşye-Laqrav və özbək Rüstəm Kasımcanovdur.

Yarışda komandamızın ən ciddi rəqibləri Rusiya klublarıdır. Onlar arasında ən reytinqlisi "Moskva" komandasıdır. Paytaxt təmsilçisinin güclüsü isə israilli Boris Helfand hesab olunur. Eyni ölkənin idman şərəfini qoruyan "Cess" klubunun kollektivinin 1 nömrəsi ukraynalı Vasili İvançukdur. Rusiya klublarından "Ekonomist"in lideri də ukraynalı qrossmeysterdir. Söhbət Pavel Elyanovdan gedir.

Almaniyanın bayrağı altında çıxış edən "Baden Baden" komandasının ən reytinqli üzvü ingiltərəli Maykl Adamsdır. "SOCAR"ın rəqibləri arasında Ermənistanın "Mika" klubu da var. Onların bel bağladığı əsas şahmatçı isə Levon Aronyandır.

Qeyd edək ki, klublararası Avropa çempionatının açılış mərasimi bu gün, ilk turun oyunları isə oktyabr ayının 17-də keçiriləcək.

Milli.Az

Milli.Az - Xəbər Portalı

Komandamız Ermənistan klubu ilə üz-üzə gələcək

DİGƏR XƏBƏRLƏR

XƏBƏR LENTİ

TOP VIDEO

SORĞU

Yayda harada dincələcəksiniz?