İdman

Azərbaycan avarçəkəni dünya çempionatının finalında!

18 Avqust 2012 14:19
0 Şərh     Baxış: 607
VTB-də yüksək depozit faizleri daha çox qazandırır
#AZERBAİJAN #BULGARİA
Bolqarıstanın Plovdivşəhərində yeniyetmələr və böyüklər arasında davam edən akademik avarçəkmə üzrə dünya çempionatında Azərbaycanın yeganə təmsilçisi Boris Yotov finala yüksəlib. Milli Avarçəkmə Federasiyasının mətbuat xidmətindən Apasport.az saytına verilən məlumata görə, 16 yaşlı avarçəkənimiz yeniyetmələrin mübarizəsində 1 nəfərlik qayıqla (JM1X) 2000 metr məsafəyə yarımfinal yürüşündə də uğurla çıxış edib.

Avqustun 18-də baş tutan yürüşdə Yotovun rəqibləri Martin Helset (Norveç), Qanqqanq Li (Çin), Mixal Ploçek (Çexiya), Ceyms Conston (CAR) və Pilip Pavukov (Belarus) olub. Finişə 7 dəqiqə 8,37 saniyəyə çatan təmsilçimiz yalnız Ploçekdən (7:05.06) geri qalıb. Əvəzində avarçəkənimiz Li (7:10.09), Conston (7:13.42), Pavukov (7:19.52) və Helseti (7:25.93) qabaqlayıb. Məhz ilk "3-lüy"ə düşdüyü üçün Yotov finala çıxıb.

Avqustun 19-da Bakı vaxtı ilə saat 14:00-da startı veriləcək həlledici yürüşdə Boris Yotovun rəqibləri Mixal Ploçek (Çexiya), Qanqqanq Li (Çin), eləcə də digər yarımfinal yürüşündə ilk 3 yeri tutmuş Yerney Markoviç (Sloveniya), Morits Moos (Almaniya) və Natan Veqrjiçki-Şimçik (Polşa) olacaq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.