İdman

ÇL-in finalında kimin şansı daha çoxdur?

7 May 2026 19:19
Baxış: 263
VTB-də minimal faiz dərəcəsi ilə nağd kredit 9.9%-dən
#FUTBOL

"Opta Analyst" superkompüteri UEFA Çempionlar Liqasının 2025/2026-cı illər mövsümünün yarımfinal mərhələsindən sonra turnirin qalibi ilə bağlı proqnozunu yeniləyib.

Milli.Az qafqazinfo-ya istinadən xəbər verir ki, statistik göstəricilərə əsasən, Londonun "Arsenal" klubu tarixində ilk dəfə Avropanın ən mötəbər klub turnirinin qalibi olmağa əsas namizəddir.

Bu günə olan son məlumata görə, superkompüter finalçıların çempionluq şanslarını aşağıdakı kimi qiymətləndirib:

"Arsenal" (İngiltərə) - 55,76%

PSJ (Fransa) - 44,24%

Xatırladaq ki, cari mövsümün yarımfinalında "Arsenal" Madrid "Atletiko"sunu (1:1, 1:0), PSJ isə iki oyunun nəticəsinə görə Münxen "Bavariya"sını (5:4, 1:1) mübarizədən kənarlaşdıraraq finala vəsiqə qazanıb.

Qeyd edək ki, Çempionlar Liqasının final qarşılaşması mayın 30-da Macarıstanın paytaxtı Budapeştdə keçiriləcək. Paris təmsilçisi turnirin son qalibi statusunu daşıyır. "Topçular" isə ötən mövsüm yarımfinalda məhz PSJ-yə uduzaraq mübarizəni dayandırmışdı.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.