İdman

Qurban Qurbanovun doğum günüdür

13 Aprel 2026 12:35

Baxış: 1 436

VTB-də minimal faiz dərəcəsi ilə nağd kredit 9.9%-dən

#QARABAĞ #FUTBOL

Bu gün "Qarabağ"ın baş məşqçisi Qurban Qurbanovun doğum günüdür.

Milli.Az İdman.Biz-ə istinadən bildirir ki, Azərbaycan futbolunun ən uğurlu simalarından biri, məşqçi kimi bir çox ilklərə imza atan mütəxəssisin 54 yaşı tamam olur.

Qurban Osman oğlu Qurbanov 13 aprel 1972-ci ildə Zaqatala rayonunun Aşağı Tala kəndində anadan olub.

Peşəkar karyerasına doğma Zaqatalanın "Daşqın" komandasında başlayan Qurbanov daha sonra "Alazani" (Gürcüstan), "Turan" (Tovuz), "Kür-Nur" (Mingəçevir), "Neftçi", "Dinamo" (Stavropol, Rusiya), "Baltika" (Rusiya), "Fakel" (Rusiya), "Volqa-Qazprom" (Rusiya) və "İnter" klublarında çıxış edib.

1992-2005-ci illərdə Azərbaycan millisinin formasını geyinən Qurban Qurbanov 68 oyunda 14 qola imza atıb.

O, 2008-ci ildə türkiyəli mütəxəssis Rasim Karanı əvəzləyərək "Qarabağ"ın baş məşqçisi təyin olunub.

2022-ci il aprelin 13-də Prezident İlham Əliyevin sərəncamı ilə Azərbaycan futbolunun inkişafındakı xidmətlərinə görə "Şöhrət" ordeni ilə təltif edilib.

Qurban Qurbanov ailəlidir, 3 övladı var.

Milli.Az