Hadisə

Şahin Şıxlinski və oğluna ağır cəza VERİLDİ

13 Aprel 2026 12:08
Baxış: 1 634
VTB-də minimal faiz dərəcəsi ilə nağd kredit 9.9%-dən

Kirov Rayon Məhkəməsi Uralsdakı Azərbaycan diasporunun keçmiş lideri Şahin Şıxlinski və oğlu Mütvalanı dövlət məmuruna qarşı zorakılıq etməkdə təqsirli bilib. 

Milli.Az Rusiya mətbuatına istinadən xəbər verir ki, əvvəllər qətllərin təşkilində təqsirli bilinən böyük Şahin Şıxlinski ümumilikdə 24 il həbs cəzasına məhkum olunub. Oğlu isə ümumi rejimli cəzaçəkmə koloniyasında səkkiz il müddətinə azadlıqdan məhrum edilib.

Hər ikisinin təqsirli bilindiyi hadisə 1 iyul 2025-ci ildə Yekaterinburqdakı "Baku Plaza" ticarət mərkəzinin yaxınlığında baş verib. Şahin Şıxlinskinin həbsi zamanı "Mercedes" sürən Mütvala geri çəkilərək təhlükəsizlik işçisini vurub. O, bunu qəsdən etmədiyini - sadəcə xüsusi təyinatlı qüvvələrin zabitini görmədiyini etiraf edib. Daha sonra hadisədən peşman olduğunu bildirib. 

Ata və oğula qarşı Rusiya Cinayət Məcəlləsinin 318-ci maddəsinin 2-ci hissəsi - dövlət məmuruna qarşı zorakılıq tətbiq etmə ilə iş açılıb. Mütvala əvvəlcə sərbəst buraxılıb, lakin bir neçə gün sonra saxlanılıb. O vaxtdan bəri o, məhkəməyəqədər həbsdə saxlanılırdı./Unikal.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.