İdman

"Barselona"da 2 ciddi İTKİ

6 Aprel 2026 14:53
Baxış: 1 033
VTB-də minimal faiz dərəcəsi ilə nağd kredit 9.9%-dən
#BARSELONA #FUTBOL

"Barselona" şənbə günü La Liqanın 30-cu turu çərçivəsində "Atletiko Madrid" səfərindən 1:2 hesablı parlaq qələbə ilə dönsə də, bu uğur kluba iki əsas oyunçusunun itkisi bahasına başa gəlib.

Milli.Az oxu.az-a istinadən xəbər verir ki, müdafiəçi Ronald Arauxo və yarımmüdafiəçi Mark Bernal zədə səbəbindən meydanı vaxtından əvvəl tərk etməli olublar.

Kataloniya təmsilçisinin mətbuat xidməti hər iki futbolçunun son durumu barədə rəsmi məlumat yayıb. Tibbi müayinələrdən sonra Arauxonun sol bud nahiyəsində kiçik əzələ problemi olduğu üzə çıxıb. Lakin uruqvaylı müdafiəçinin vəziyyətinin narahatlıq doğurmadığı və onun Çempionlar Liqasında "Atletiko Madrid"ə qarşı baş tutacaq növbəti matçda komandasına kömək edə biləcəyi vurğulanıb.

Bununla belə, Mark Bernalın zədəsi nisbətən mürəkkəb xarakter daşıyır. İstedadlı yarımmüdafiəçinin sol topuğunda dartılma diaqnozu qoyulub. Klub rəsmiləri oyunçunun yaşıl meydanlara qayıdış tarixini hələlik açıqlamayıb, bərpa müddətinin tamamilə müalicənin gedişatından asılı olacağını bəyan ediblər.

Qeyd edək ki, qitənin ən nüfuzlu turniri olan Çempionlar Liqasının 1/4 final mərhələsi çərçivəsində "Barselona" və "Atletiko Madrid" arasında gözlənilən ilk duel aprelin 8-də reallaşacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.