İdman

Messi DÇ-2026-da oynamayacaq?

28 Mart 2026 14:16
Baxış: 1 177
VTB-də minimal faiz dərəcəsi ilə nağd kredit 9.9%-dən
#İDMAN #FUTBOL

Argentina yığmasının baş məşqçisi Lionel Skaloni əfsanəvi futbolçu Lionel Messinin 2026-cı il dünya çempionatında iştirak ehtimalı ilə bağlı diqqətçəkən açıqlamalar verib.

Milli.Az xəbər verir ki, təcrübəli mütəxəssis həlledici qərarın məhz 38 yaşlı ulduz hücumçunun özünə məxsus olduğunu vurğulayıb:

"Bu, daha çox ona ünvanlanmalı olan sualdır. Mənim mövqeyim hər kəsə bəllidir. Messinin DÇ-2026-da iştirakını təmin etmək üçün əlimdən gələn hər şeyi edəcəyəm. Lakin yekun qərar onun əhval-ruhiyyəsindən və fiziki durumundan asılı olacaq. Onu bu möhtəşəm turnirdə izləmək təkcə argentinalıların deyil, bütün dünya futbolsevərlərinin arzusudur. Lakin Messi bu qərarı sakit şəraitdə vermək haqqını çoxdan qazanıb. Biz qətiyyən tələsmirik. Onun verəcəyi hər bir qərar həm komandamız, həm də özü üçün ən xeyirlisi olacaq. Böyük ümidlərlə Messinin "hə" deyəcəyini gözləyirik".

Qeyd edək ki, futbol üzrə növbəti dünya çempionatı 2026-cı ilin 11 iyun - 19 iyul tarixlərində üç ölkənin - ABŞ, Kanada və Meksikanın ev sahibliyi ilə baş tutacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.