İdman

"Beşiktaş" "Liverpul"un 2 ulduzunu ALIR

31 Yanvar 2026 16:32
Baxış: 4 610
VTB-də minimal faiz dərəcəsi ilə nağd kredit 9.9%-dən
#TRANSFERLƏR #BEŞİKTAŞ #FUTBOL #LİVERPUL

Türkiyənin "Beşiktaş" klubu "Liverpul"un iki futbolçusunu heyətinə cəlb etməyə yaxındır.

Milli.Az oxu.az-a istinadən xəbər verir ki, bu barədə tanınmış jurnalist Santi Auna özünün sosial media səhifəsində məlumat verib.

Onun sözlərinə görə, İstanbul təmsilçisi "Liverpul"un müdafiəçisi Konstantinos Tsimikasla böyük ölçüdə transfer razılığına gəlib.

İddiaya görə, Türkiyə klubu hazırda Yunanıstan millisinin üzvü ilə "Latsio"nun oyunçusu Nuno Tavares arasında seçim edir. "Beşiktaş"ın yaxın iki gün ərzində qərar verəcəyi gözlənilir.

Xəbərdə bildirilir ki, "qara qartallar", həmçinin "Liverpul"un gürcüstanlı qapıçısı Georgi Mamardaşvilini cari mövsümün sonuna qədər iki milyon avro qarşılığında icarəyə götürməyi planlaşdırıblar. Tanınmış qolkiperə müqavilənin uzadılması variantı da təklif edilib.

Tsimikas ötən yaydan bəri "Roma"da icarə əsasında çıxış edir. Sabiq "Valensiya"lı Mamardaşvili isə bu mövsüm İngiltərə klubunun heyətində 11 oyunda meydana çıxıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.