İdman

İmmobile Avropa nəhənginə keçir

31 Yanvar 2026 18:48
Baxış: 1 464
VTB-də minimal faiz dərəcəsi ilə nağd kredit 9.9%-dən
#TRANSFERLƏR #FUTBOL #PSJ

Təcrübəli hücumçu Çiro İmmobile cari qış transfer pəncərəsi bağlanana qədər Fransanın "Paris" klubuna keçməyə hazırlaşır.

Milli.Az xəbər verir ki, İtaliyanın "Bolonya" və Fransanın "Paris" klubları arasında razılıq artıq tam əldə olunub. Hazırda futbolçu rəsmi müqavilə imzalamazdan əvvəl tibbi müayinədən keçir. Transferin rəsmiləşməsindən sonra İmmobile 2026-2027-ci il mövsümünün sonuna qədər Paris təmsilçisinin formasını geyinəcək.

35 yaşlı Çiro İmmobile Avropa futbolunda kifayət qədər zəngin karyeraya malikdir. O, daha əvvəl "Latsio", "Yuventus" və "Borussiya Dortmund" kimi nəhəng klublarda çıxış edib. Həm bu klublarda, həm də İtaliya millisində iştirak etdiyi turnirlərin ən yaxşı bombardirlərindən biri olub.

Bu transfer "Paris" klubunun hücum xəttini dərhal nəticə verə biləcək təcrübəli bir oyunçu ilə gücləndirmək strategiyasının bir hissəsidir. Klub İmmobilenin Fransa Liqa 1-də böyük təsir yaradacağına inanır.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.