İdman

Gəncə güləş üzrə Azərbaycan çempionatlarına ev sahibliyi edəcək

24 Yanvar 2026 20:17

Baxış: 756

VTB-də minimal faiz dərəcəsi ilə nağd kredit 9.9%-dən

#GÜLƏŞ

Güləş üzrə Azərbaycan çempionatları Gəncədə baş tutacaq.

Milli.Az-ın məlumatına görə, bu barədə Azərbaycan Güləş Federasiyasından bildiriblər.

Məlumata əsasən, yarışlar Gəncə İdman Sarayında təşkil ediləcək güləş festivalı çərçivəsində keçiriləcək. Fevralın 3-7-də yunan-Roma və sərbəst güləş üzrə U-20 ölkə çempionatı, ardınca qadın güləşi üzrə U-15 və U-17 yaş qruplarında birincilik, fevralın 9-13-də isə yunan-Roma və sərbəst güləş üzrə U-17 Azərbaycan çempionatı keçiriləcək.

11 gün davam edəcək turnirlər Dünya Güləş Birliyinin (UWW) qaydalarına uyğun təşkil olunacaq. Görüşlərdə yerli hakimlərlə yanaşı, xaricdən dəvət olunmuş ən yüksək (I-S) kateqoriyalı referilər də iştirak edəcəklər.

Çempionatların nəticələrinə əsasən, ilk üç yeri tutan idmançılar müvafiq yaş qrupları üzrə milli komandaların heyətinə cəlb ediləcəklər.

Qeyd edək ki, U-20 Azərbaycan çempionatının açılış mərasimi fevralın 3-də, U-17 yaş qrupu üzrə açılış isə fevralın 9-da keçiriləcək. Gəncə İdman Sarayı ötən il də güləş üzrə U-15 ölkə birinciliyinə ev sahibliyi edib.

Milli.Az